حدث سراً —نيفين رشاد

Taiser Fahmy

آخر تحديث:فبراير 25, 2021

267

حدث سراً —نيفين رشاد

في يوم كنت أجلس بحاله من الملل ففتحت كعادتي موقع التواصل الاجتماعي- الفيس بوك – وجلست أتصفح بحالة من الملل المعتاده عليها منذ فتره .

وفجاءه ظهر أمامي جروب لقصص رعب فأخذني الفضول ربما تكون تجربة ممتعة ومختلفة وانضميت للجروب ولم اكن أعلم أن هذا الجروب هو السبب فيما أنا فيه الآن..

أسمي منار محمد 28 سنه متجوزة وعندي طفلين والحمد لله
بشتغل في شركة محترمة محاسب ومرتبي حلو جدا وليا اخ واخت ووالدي متوفي وامي ربنا يديها الصحة وعايشه في بيت عيلة جوزي ( هتتعرفوا عليهم بعدين) …
نرجع للجروب أول ما دخلت أبتديت أتصفح وأقلب فيه بملل كده وحسيت أنه حاجه تافهه وهبلة أوي لحد لما وقفت عند بوست صاحبة اسمه ( المختار) وابتديت اقري :-

“أنا المختار وده مش لقب ده أسمي وصفتي انا اللي اختروني عشان أكون خليفهم في الارض واللي بيقرب مني لازم يكون منهم حتي لو بالغصب عشان كده أنصحكم محدتش يحاول يعلق علي البوست بتاعي والا هيصاب بلعنتهم”.

بصراحة ضحكت بإستهزاء وفعلاً ملقتش حد معلق خالص مع أن تاريخ البوست من ثلاثه أيام والجروب في تفاعل كبير أوي يعني مستحيل ميكنش حد قري البوست معقول يكون الناس خايفة بجد طيب أنا لازم أثبتلهم أن كل ده هبل وقررت أدخل وأعلق .. مكدبش عليكم أول ما أبتديت أكتب حسيت بقبض بقلبي ورعشة مع أول كلمه ولكنني تجاهلت كل ده وكتبت ” وأنت بقي ياعم المختار داخل تتعب نفسك وتكتب كل البوست ده عشان تخوفنا منعلقش عليك طيب كتبتوا ليه يا جامد اوي ” وخلصت كتابه ودوست علي إرسال ( وفعلا ياريتني ما دوست)

ابتدي إحساس غريب يجيلي قولت لنفسي دي تهيؤات أكيد عقلي الباطن عشان اتأثرت بكلامه ده أي هبل وقفلت وقمت أجهز الغدا لأن ميعاد جوزي قرب .. وفعلا اتلهيت في الشقة والاكل ونسيت خالص اللي حصل .. وفجاءه وأحنا قاعدين بناكل وصلت رساله علي موبايلي اشعار من الفيس … إزاي ده النت مقفول أنا متأكدة 🙄🙄 ابتدي قلبي يدق ومسكت الموبايل وانا خايفة لما اتفتكرت اللي حصل ومش عارفه اعمل ايه مفوقتش غير علي صوت جوزي وهو بيقولي ” في إيه انتي هتفضلي ماسكة الموبايل ومتنحة وسايبة الاكل ”
قولتلو ” لالالا خالص انا باكل اهو ”

وسيبت الموبايل وانا سرحانه في كل اللي حصل ومش عارفه إزاي يجيلي اشعار من الفيس بإسم المختار وأنا قافلو النت ومفيش أي تواصل بيانات وحتي نغمة الاشعار اللي جت مختلفة عن النغمة اللي محدداها ابتديت احس ان في حاجه غريبة غلط مش مظبوطة وحاولت اخلص أكل عشان أقوم ادخل اوضي وافتح الرساله وفعلا خلصت وجريب علي اوضي بالموبايل وفتحتوا وحسيت ان جسمي كله بيتنفض اول ما ابتديت اقري المكتوب (—-

حدث سراً —نيفين رشاد